Watu watano nchini Marekani wameuawa na wengine zaidi ya 40 kujeruhiwa baada ya gari mmoja kuwaponda wakiwa kwenye gwaride la Krismasi katika jimbo la Wisconsin nchini humo.

Gari hilo aina ya SUV lilivunja vizuizi vilivyo wekwa katika hafla hiyo ya kila mwaka, huku video zikionyesha gari hilo likienda kwa kasi na kuingia kwenye msafara wa watu.

Taarifa ya polisi ya mji wa Waukesha imesema idadi hiyo ya waathiriwa huenda ikabadilika kwa sababu bado wanakusanya taarifa, ikiongeza kuwa mtu mmoja ametiwa mbaroni.

Mkuu wa Polisi wa Waukesha Dan Thompson awali aliwaambia waandishi wa habari kuwa maafisa wamelikamata gari lililotumika kwenye shambulizi hilo. Afisa mmoja wa serikali amesema Rais Joe Biden amefahamishwa kuhusu hali hiyo na Ikulu ya Marekani inaifuatilia kwa karibu.