Dar es salaam. Aliyekuwa Mwenyekiti wa Zamani wa Yanga Yusufu Manji leo amehudhuria mkutano mkuu wa wanachama unaofanyika katika ukumbi wa DYCC, Chang’ombe, jijini Dar Es salaam.

Manji amewasili katika mkutano huo majira ya mchana na alipokelewa na Mwenyekiti wa sasa wa Yanga, Dkt. Mshindo Msolwa, huku akipigiwa shangwe nyingi kutoka kwa wanachama waliohudhiria mkutano huo.

Agenda kuu ya mkutano huo ni kupitisha Mapendekezo ya Mabadiliko ya katiba itakayoruhusu mfumo mpya na wa kisasa wa uendeshaji wa klabu hiyo kongwe nchini.