Leo Mashindano ya kombe la Euro 2020 yanakamilisha mzunguko wa kwanza, Timu za mwisho ambazo hazijacheza, zinaingia uwanjani leo wakati mabingwa wa dunia, Ufaransa, wakipepetana na Ujerumani mjini Munich.

Ujerumani inatarajiwa kuwajumuisha Thomas Mueller na Mats Hummels baada ya wachezaji hao kuachwa nje ya kikosi na kocha Joachim Loew mwaka 2019 kabla kuitwa tena kwa mashidano ya mwisho.

Vyombo vya habari vya Ujerumani vinazungumzia sana kuhusu ikiwa Joshua Kimmich atacheza kama beki wa kulia au kiungo wa kati katika pambano hilo la kundi F.

Mabingwa wa Ulaya, Ureno na mchezaji wao nyota, Cristiano Ronaldo, watakuwa na kibarua kipevu na ubatizo mgumu katika uwanja wa Puskas Arena mjini Budapest watakapokwaana na Hungary.

Uwanja huo unatarajiwa kuwa uwanja pekee utakaoruhusiwa kujaza idadi ya mashabiki katika mashindano haya wakati huu wa janga la corona.