Mtangazaji wa muda mrefu wa BBC Swahili Zuhura Yunus anaondoka kulihudumia Shirika hilo baada ya kulitumikia kwa takriban miaka 14 .

Zuhura anakusudiwa kutangaza kipindi chake cha mwisho cha Dira ya Dunia hii leo majira ya saa tatu Afrika mashariki .

Hata hivyo amebakiza siku kadhaa za likizo kabla ya kuondoka rasmi.

Mtangazaji huyo aliyejiunga na BBC Swahili mwaka 2008 amesema anataka kuutumia muda wake sasa kuendelea na uandishi na mambo mengine nje ya BBC.