Mtu mmoja amefariki dunia na wengine 19 kujeruhiwa katika ajali ya magari iliyohusisha malori 3 na basi la abiria la kampuni ya Classic lenye namba za usajili 68842 AK 05. Ajali hoyo imetokea Mbozi Mkoani Songwe.

Gari hiko la Classic lilikuwa likifanya safari zake kati ya Tanzania na Jamhuri ya Kidemokrasia ya Congo, ambalo limeteketea kwa moto, huku chanzo cha ajali hiyo kikitajwa kuwa ni mwendokasi wa dereva wa basi.

Mkuu wa mkoa wa Songwe, Omary Mgumba amethibitisha kutokea kwa ajali hiyo huku akibainisha kuwa kati ya majeruhi hao, 8 ni raia wa Tanzania na 12 ni raia wa Jamhuri ya Kidemokrasia ya Congo.