Dar es salaam. Mamlaka ya Mawasiliano Tanzania TCRA imekifungia kituo cha Televisheni cha Wasafi Tv kutoa huduma kwa muda wa miezi 6 kuanzia kesho Januari 6 mwaka huu hadi Juni 2021 kwa makosa ya ukiukwaji wa taratibu za utangazaji.

Maamuzi hayo yanakuja kufuatia maudhui ya picha jongefu yaliyomwonesha msanii wa bongo Fleva Gift Stanford maarufu kama Gigy Money akicheza utupu kinyume na kanuni za maadili katika tamasha la Tumewasha Live Concert lililorushwa Januari Mosi 2021 kuanzia saa mbili hadi saa tano usiku.

Aidha Wasafi Tv wanatakiwa kutumia siku ya leo kuomba radhi kwa watazamaji wake kufuatia ukiukaji huo na wakikaidi hatua zaidi za kisheria na udhibiti zitachukuliwa.