Zoezi la kuchukua fomu za kuwania Urais wa Jamhuri ya Muungano wa Tanzania na ule wa Serikali ya Mapinduzi Zanzibar kwa tiketi ya Chama Cha Mapinduzi (CCM) katika uchaguzi mkuu ujao limeanza hii leo Juni 15, 2020.

Taarifa ya CCM imesema kuwa zoezi hilo litakamilika Juni 30 mwaka huu ambapo kwa upande wa Bara fomu zinatolewa katika ofisi za CCM makao makuu jijini Dodoma na kwa upande wa Zanzibar fomu hizo zinatolewa katika ofisi kuu za CCM Kisiwandui.

Taarifa kutoka visiwani Zanzibar zinaeleza kuwa tayari Mbwana Juma Bakari amefungua dimba la kuchukua fomu za kuwania Urais wa Zanzibar kwa tiketi ya CCM katika ofisi kuu za CCM Kisiwandui.

Mwingine alichukua fomu ni Balozi Ali Karume, amechukua fomu ya kuwania urais wa Zanzibar ndani ya CCM.Balozi Karume ni Mtoto wa aliyekuwa Rais wa kwanza wa Zanzibar, hayati Abeid Aman Karume, Balozi Karume anakua mtia nia wa pili kuchukua Fomu baada ya Mbwana Bakari Juma