Mkuu wa mkoa Shinyanga Zainab Telack ameliagiza Jeshi la Polisi Mkoani humo kuwakamata watu watatu ambao ni Mkandarasi wa mkoa huo, Afisa Manunuzi wa Halmashauri ya Msalala wilayani Kahama na Mjenzi wa jengo la hospitali ya halmashauri hiyo linalojengwa kwa gharama ya shilingi milioni 600 kwa kosa la kukiuka agizo la serikali na kujenga jengo hilo chini ya kiwango.

Mkuu wa Mkoa alichukua uamuzi huo sambamba na kutoa amri ya kubomolewa kwa jengo hilo linalojengwa kwa gharama zaidi ya shilingi milioni 600 livunjwe na kuanza kujengwa upya kwa kuwa liko chini ya kiwango.