Aliyekuwa Rais wa Muda Mrefu wa Algeria Abdelaziz Bouteflika amefariki Dunia akiwa na umri wa miaka 84.

Alitawala Algeria kwa miaka 20 kuanzia1999-2019.

Habari ya kifo cha Abdelaziz Bouteflika ilitangazwa na runinga ya taifa ya Algeria, ikinukuu taarifa kutoka ofisi ya rais wa Jamhuri: "Kifo cha rais wa zamani Abdelaziz Bouteflika" iliandikwa kwenye bango jekundu lililokuwa likipitishwa mara kwa mara kwenye runinga ya taifa Ijumaa jioni.

Tangu aachie ngazi baada ya shinikizo kutoka kwa jeshi na maandamano ya kiraia, rais wa zamani wa Algeria alikuwa akiisi katika nyumba yake huko Zeralda, magharibi mwa Algiers. Televisheni za serikali zilitangaza tu kifo cha rais Abdelaziz Bouteflika, bila hata hivyo kukatiza programu zao ili kutoa matangazo maalum kufuatia tukio.

Aliondolewa madaraka mwaka 2019 kupitia maandamano ya kupinga utawala wake.