Rais wa Tanzania Samia Suluhu Hassan amempa Miezi sita Mkurugenzi mpya wa Mamlaka ya Usimamizi wa Bandari Tanzania (TPA), Erick Benedict Hamis, kuhakikisha ufanisi wa Bandari nchini unaimarika mara moja.

Mama Samia ameogea hayo leo hii Aprili 6, 2021 wakati akiwaapisha viongozi mbalimbali wa Serekali wakiwemo Makatibu wakuu, Naibu MaKatibu Mkuu na Wakurugenzi wa Taasisi Kuu za serekali Ikulu ya Dar es salaam.

"Erick ulikuwa Dar es Salaam kwa sababu moja au nyingine ukatupwa Mwanza, hukuvunjika Moyo ukafanyakazi Mwanza na Mwanza umefanyakazi nzuri sana, baada ya kuona ubadhirifu na yaliyopo hapa nikasema nikutoe Mwanza nikulete Dar es Salaam, imani yangu kazi uliyoifanya Mwanza Dar es Salaam utaifanya mara mbili.

"Unajuana na watu wa Dar es Salaam nenda pale usiangalie mtu usoni najua ndani ya Bandari kuna makundi mawili kuna makundi hili na lile, unakwenda pale huna kundi nenda kafanyekazi simamia kwenye mstari muda wangu ni miezi sita Erick nitaangalia hali ya Bandari inavyokwenda alafu tutakuja akizungumzia mengine baadaye," amesema Rais Samia.