Rais Dk John Magufuli leo amezindua Daraja la Juu la Kijazi lililokuwa linaitwa ‘Daraja la Juu la Ubungo'na kusema kuwa ameamua kuliita hivyo kutokana na mambo makubwa aliyofanya Balozi Kijazi katika sekta ya barabara.

Akizungumza katika uzinduzi wa daraja hilo hii leo Ubungo jijini Dar es Salaam, Dk Magufuli aliwashukuru wakazi wa mkoa huo kwa kukubali daraja hilo kuitwa jina hilo kwakuwa marehemu Balozi Kijazi alifanya kazi yake kwa uadilifu mkubwa.

“Miradi hii yote nchini hata ya Dar es Salaam ya masoko, stendi na kadhalika ilifanyika kupitia yeye kwakuwa alikuwa ndiye kiongozi wa Baraza la Makatibu Wakuu (MTC) kwahiyo kwa namna moja au nyingine amechangia kwa kiasi kikubwa kufanikiwa kwa miradi hii” amesema Dk Magufuli.