Rais wa Tanzania John Pombe Magufuli ametengua uteuzi wa Mkurugenzi wa Halmashauri ya Wilaya ya Igunga Mkoani Tabora Bw. Revocatus Kuuli kwasababu ya mwenendo mbovu wa kazi zake.

Rais Magufuli ametengua uteuzi wa Bw. Kuuli leo tarehe 28 Desemba, 2020 kutokana na kukabiliwa na tuhuma za kutwalia ardhi ya wananchi bila kufuata utaratibu, utendaji kazi usioridhisha na matumizi mabaya ya fedha za maduhuli ya Serikali.

Rais Magufuli amemuagiza Mkuu wa mkoa wa Tabora Dkt. Phillemon Sengati kuteua Kaimu Mkurugenzi wa Halmashauri hiyo mara moja.