Rais Dk. John Magufuli amemuamisha kikazi, Sipora Liana na kuwa Mkurugenzi wa Manispaa ya Kinondoni kuanzia leo Februari 25, 2021.

Taarifa iliyotolewa na Waziri wa Nchi Ofisi ya Rais- (TAMISEMI), Selemani Jafo imesema Sipora amepangiwa majukumu hayo baada ya lililokuwa Jiji la Dar es Salaam kuvunjwa Jana Februari 24, Mwaka huu.

Waziri Jafo ameeleza kuwa utaratibu wa kuwahamisha wafanyakazi katika vituo vingine utaendelea.

Aidha Waziri Jafo amemkabidhi Mstahiki Meya wa Jiji la Dar es Salaam, Omary Kumbilamoto (aliyekuwa Mstahiki Meya wa Ilala) Gari lililokua likitumiwa na Mstahiki Meya wa Jiji lililovunjwa la Dar es Salaam.

@