MBUNGE wa Jimbo la Iringa Mjini, Mchungaji Peter Msigwa(CHADEMA), amelishauri Bunge kutunga sheria ambazo hazitakuwa mzigo kwa Watanzania.

Mchungaji Msigwa ametoa ushauri huo leo Juni 10,2020 Bungeni Mjini Dodoma wakati anachangania Muswada wa Marekebisho ya Sheria mbalimbali ambao umewasilisha Bungeni.

"Moja ya jukumu la msingi la Bunge ni pamoja na kusimamia utungwaji wa sheria,hivyo wabunge wanao wajibu wa kusimamia utungwaji wa sheria ambazo hazitakuwa za ukandamizaji,"amesema Mchugaji Msigwa.

Amongeza hivyo ni makosa kuwa na sheria au mabadiliko ya sheria katika nchi bila wananchi kujua."Hivyo ni vema tuwe na sheria rafiki kwa wananchi."

Amesema sheria hazina macho na wala haziangalii aliyeko sasa peke yake, hivyo kuna umuhimu mkubwa wa kuhakikisheria kabla ya kutungwa inakuwa imekamilika na iko sawa sawa.

"Kuna kila sababu ya kuangalia kwa undani zaidi sheria ambazo zinatungwa na Bunge ili kuwa na tija kwa Watanzania wote kwani lengo la kuwa na sheria sio kutesa wananchi,"amesema Mchungaji Msigwa