Mwenyekiti wa TLP, Augustine Mrema, amesema Mgombea urais kupitia Chama Cha Mapinduzi (CCM), Rais Dk. John Pombe Magufuli, ni kiongozi mwenye huruma kwa watu wake, hasa wale ambao wanaokuwa na malengo tofauti na viongozi wengine.

Mrema amesema hata baada ya yeye kukumbwa na upepo wa 'kisulisuli' mwaka 2015 uliomsababishia kupoteza ubunge jimbo la Vunjo, bado Rais Dk. Magufuli alimwamini na kumpa kazi kama mwenyekiti wa Parole, hivyo kitendo hicho kinamhamasisha kumtafutia kura ili ashinde tena.

Amesema kutokana na moyo huo wa kipekee wa Rais Dk. Magufuli kujenga imani kwake ni lazima na yeye arudishe fadhila kwa kuhakikisha kuwa anamtafutia kura za kutosha kuelekea katika kipindi hiki cha uchaguzi mkuu ili aendeleze yale mema aliyoyaanzisha.