Mbunge wa Makambako, Deo Kasenyenda Sanga ameelezea masikitiko yake juu ya taarifa zinazoendele kusambaa kwenye mitandao ya kijamii kuwa Rais wa sasa wa Tanzania Bi Samia Suluhu Hassani anaongozwa kiutendaji na Rais Mstaafu wa awamu ya nne Jakaya Mrisho Kikwete.

Bw. Sanga ameyasema hayo hii leo Aprili 19,2022 wakati akiachangia mjadala kuhusu makadirio ya mapato na Matumizi ya Ofisi ya Rais (TAMISEMI) kwa Mwaka wa Fedha 2022/2023 amewataka Watu wamuache Rais Samia afanye kazi na wajiepushe kusikiliza maneno ya mitandaoni.

"Ukienda kwenye mitandao Watu wanaelezea jambo ambalo unashangaa wanasema unaona Mama sasa anaongozwa na Kikwete, kwani Kikwete hakufanya vizuri katika nchi hii?" Amehoji Sanga

" awamu ya nne ndio watu walisema fedha zimejaa kwa wananchi, hakufanya Kikwete? tumuache apumzike vizuri kule Msoga, tuache habari za kwenye mtandao, tuache Mama afanye kazi ya kuwaletea Watanzania maendeleo, nimeona niliseme hili kwa hisia kali kwa sababu Watu wanataka kupotosha Watu" alimalizia Bw Sang