Mwenyekiti wa chama kikuu cha Upinzani nchini Tanzania Chadema Freeman Mbowe leo amefungua kesi ya Kikatiba katika Mahakama Kuu ya Tanzania Dar es salaan akipinga haki zake za msingi kuvunjwa kuanzia hatua ya ukamatwaji wake na mwenendo mzima akiwa Polisi hadi kupelekwa Mahakama ya Kisutu.

Mbowe na wenzake watatu leo wamesomewa upya mashtaka sita yakiwemo ya kufadhili vitendo vya ugaidi na kukusanya pesa kwa kufanya vitendo vya kigaidi.

Mashtaka mengine ni kukusanya fedha kwa ajili ya kufanya vitendo vya kigaidi, kukutwa na silaha aina ya bastola na kukutwa na sare za jeshi kinyume cha sheria.

Lakini kesi hiyo ya Kikatiba inakusudiwa kusikilizwa Tarehe 9/08/2021 Mbele ya Majaji watatu Mh Mgeta, Mh Mgonya na Mh Magoiga.