Mwenyekiti wa Tume ya Taifa ya Uchaguzi, nchini Tanzania Jaji Mstaafu Semistocles Kaijage amesema kuna majimbo manne ambayo uchaguzi wa madiwani haujafanyika, kutokana na sababu tofauti.

Majimbo matatu wagombea wamefariki na jimbo moja la Kibosho Kati karatasi za kura zimekosewa hivyo tume itapanga tarehe husika ya uchaguzi.

Akizungumzia hali ya uchaguzi jioni ya leo Octoba 28, 2020 Jaji Kaijage amesema tume hiyo haijapokea taarifa za uwepo wa kura feki katika majimbo ya Kawe, Pangani na Kigoma.

Amewataka wananchi kuendelea kujitokeza kupiga kura katika muda huu mchache uliobaki.

Aidha, aliwataka wapiga kura kufanikisha upigaji kura wa amani na kuwataka wananchi ambao hawakujitokeza kupiga kufanya hivyo zikiwa zimebaki dakika chache kabla ya zoezi la kupiga kura kumalizika.