Dodoma.Mbunge wa Mvumi, Livingstone Lusinde amemtaka Kiongozi mkuu wa chama cha ACT Wazalendo, Ndugu Zitto Kabwe kuiomba radhi familia ya aliyekuwa Rais awamu ya Tano, Hayati John Magufuli kwa kauli yake aliyoitoa hivi karibuni kuhusu watu wanaompenda sana kiongozi huyo.

Zitto alinukuliwa na vyomba vya habari akisema wanaompenda Magufuli waende kuzikwa nae, kauli ambayo Lusinde ameipinga vikali akisema kuwa Zitto anatakiwa kuomba radhi kwani hata chama chake kilimpoteza Mwenyekiti, Maalim Seif Sharif Hamad lakini wao hawamuombei mabaya.

Pia, amewataka wabunge kuacha 'unafiki' kwani viongozi wote wamelitumikia vema na wanapaswa kuwaunga mkono kwa vile walivyovifanya na viongozi wa sasa wanavyoongoza Taifa.