Dar es Salaam. Aliyekuwa Katibu mkuu wa zamani katika Wizara ya Fedha na Mipango, Dk Servasius Likwelile amefariki dunia hii leo Jumamosi Februari 20, 2021 jijini Dar es Salaam.

Taarifa ya Kifo chake imetolewa na Mke wa Marehemu Vicky Kamata ambaye ni Mbunge wa zamani katika bunge la Jamhuri.

Vicky ametoa taarifa hiyo kupitia Katika ukurasa wake wa mtandao wa kijamii wa instagram na facebook, Vicky ameandika, “nilidhani mimi ni jasiri lakini kwa hili kumbe mimi si lolote, Mungu mbona umeniacha?”

Vicky amezungumza na muakilishi kwa njia ya simu na kudhibitisha kuwa "yeah ni kweli mume wangu Dkt Likwelile amefariki dunia usiku wa leo, alikuwa akipatiwa matibabu hapa hospitali ya Regency Dar, sababu ya kifo chake tutatoa hapo baadae naomba uniache kwanza" alisema Vicky

Dk Likwelile aliyekuwa mchumi mwandamizi katika Ndaki ya Sayansi ya Jamii Chuo Kikuu cha Dar es Salaam(UDSM) aliteuliwa na rais mstaafu Jakaya Kikwete kuwa katibu mkuu wa wizara hiyo kabla ya uteuzi wake kutenguliwa na Rais John Magufuli Agosti 31, 2016 na kumteua Dotto James.