Kamanda Mkuu wa Jeshi la Polisi Nchini Tanzania (IGP) Simon Sirro amesema jeshi lake limepata taarifa za kwamba kuna baadhi ya vikundi vichache katika Jiji la Arusha vimepangwa kwa nia ya kuharibu amani siku ya uchaguzi, huku akitoa onyo kali kwa wote wenye mpango huo.

IGP Sirro ametoa kauli hiyo hii leo Jijini Arusha baada ya kuzungumza na askari polisi zaidi ya 700 watakaosimamia mchakato wa uchaguzi unaotarajiwa kufanyika nchini kote Jumatano ijayo.

Mkuu huyo wa Jeshi la Polisi pia ametumia fursa hiyo kuwaomba wananchi wa Mkoa wa Arusha kuendelea kuimarsha amani na utulivu siku hiyo ya uchaguzi.