Dar es Salaam. Katika hali isiyo yabkawaida, Gari aina ya Toyota Land Cruiser Prado limetumbukia katika Bahari ya Hindi upande wa Tanzania Jijini Dar es salaam katika eneo la ufukwe wa Coco beach.

Kamanda wa Polisi Mkoa wa kipolisi Kinondoni, Ramadhani Kingai ameieleza leo Jumanne Oktoba 5,2021 kwamba hakuna madhara yoyote yaliyotokana na ajali hiyo baada ya mtu huyo kuokolewa na wananchi waliokuwa karibu na wanasubiri afya ya Dereva iimarike ili wafanye uchunguzi wa tukio hilo kwa kuwa dalili zinaonyesha alikuwa ni mtu mwenye mawazo au tatizo la akili.

"Kule alipokuwa anakwenda kulikuwa hakuna barabara, kama mtu ni mzima huwezi kuona gari linakwenda baharini na wewe ukazidi kukanyaga mafuta," amesema Kingai.