Moto mkubwa umezuka katika bunge la Afrika Kusini mjini Cape Town mapema asubuhi ya leo saa 11 alfajiri na kusababisha moshi mkubwa huku jengo zima likikabiliwa na hatari ya kuteketea.

Moto huo unaaminika kuanza katika moja ya majengo ya zamani katika eneo la bunge na kusababisha kufungwa kwa eneo hilo lililoko karibu na kanisa ambapo askofu mkuu Desmond Tutu alizikwa jana kwasababu za usalama.

Msemaji wa idara ya huduma za dharura mjini humo ameliambia shirika la habari la AFP kwamba paa limeshika moto pamoja na jengo la bunge huku akiitisha msaada zaidi katika eneo hilo.

Msemaji huyo amesema kuwa moto huo umethibitiwa na majengo hayo kuripotiwa kuwa na mianya.Hakuna ripoti za majeruhi wala vifo mpaka sasa