Mkurugenzi Mtendaji wa kampuni ya mawasiliano ya Tigo Tanzania anayemaliza muda wake mwanzoni mwa mwezi ujao, Simon Karikari ameliandikia barua Jeshi la Polisi nchini akiliomba kumrudishia HATI yake ya kusafiria.

Katika barua yake hiyo ya Septemba 13, mwaka huu ameeleza kuwa nyaraka hizo zilichukuliwa tangu Februari 6 mwaka huu.

Karikari ameongeza kuwa kibali chake cha kuishi na kufanya kazi nchini Tanzania kinafikia ukomo Oktoba 1 mwaka huu. Amebainisha kwamba nyaraka zilizochukuliwa na ameiomba Polisi kumrejeshea ni pasi zake za kusafiria mbili, moja ya Uingereza na nyingine ya Ghana.

Hatua ya Karikari kuondoka inakuja muda mchache mara baada ya Bossi wa kampuni shindani ya Vodacom Bw. Hesham Hendi kutangaza kuachana na Vodacom mara baada ya kupata kazi nyingine nchini Hispania.

Taarifa ya kuondoka Karikari ilitangazwa Septemba 7 mwaka huu na mwenyekiti wa bodi ya Tigo Ami Mpungwe.