Jeshi la Polisi Kanda Maalum ya Dar es Salaam kwa kushirikiana na jeshi la polisi mkoa wa Mbeya, limefanikisha kuipata bastola ya mbunge wa jimbo la Mtama Nape Nnauye iliyoibiwa nyumbani kwake maeneo ya Kawe jijini Dar es salaam.

Taarifa hiyo imetolewa leo Februari 18, 2021, na Kamanda wa Polisi Kanda Maalum ya Dar es Salaam SACP Lazaro Mambosasa, amesema iliyoibwa Februari 15, 2021 nyumbani kwa maeneo ya Kawe Beach.

Bastola hiyo yenye namba za usajili (GLOCK 17 yenye No. YX647 ikiwa na risasi 14) imekamatwa jana Februari 17, 2021 mkoani Mbeya.

Katika Kesi hiyo Jeshi la polisi linamshikilia Mtuhumiwa mmoja kwa wizi huo.