Jeshi la Polisi Mkoani Kilimanjaro linamsaka Askari wa Suma JKT jina limehifadhiwa akituhumiwa Kumuua kwa kumpiga risasi Askari Mwenzake Emmanuel Malya(25) wakiwa kwenye eneo la lindo la TANESCO katika wilaya Moshi mkoani Kilimanjaro.

Akieleza kutokea kwa tukio hilo Kamanda wa Polisi Mkoani Kilimanjaro Kakwale amesema waliukuta mwili wa marehemu ukiwa na majeraha pamoja na silaha aina ya 'pump action shotgun' pembeni ya mwili huo ambao ulikuwa na majeraha na kwamba wanaendelea kumtafuta askari mwenzake ambaye amekimbia ili kupata sababu za mauaji hayo.

“Tulifika eneo la tukio nakukuta mwili wake ukiwa na majeraha na silaha yake aina ya shortgun pump action ikiwa pembeni, baada ya uchunguzi tulibaini alikuwa na mwenzake na alikimbia na tunaendelea kumtafuta, tutapeana taarifa kadri tutakapofanisha swala hilo" amesema RPC Kakwale.