Ruvuma. Mwanaume Mmoja Mkazi wa kijiji cha Mkako wilayani Mbinga mkoani Ruvuma Bw. Basilius Mwingira amejiua kwa kujipiga risasi kichwani mra baada ya kukabiliwa na mfululizo wa tuhuma za jaribio la kumbaka binti yake wa miaka 10.

Kwa mujibu wa Kauli ya Kamanda wa Polisi mkoa wa Ruvuma ACP Siomon Marwa Maigwa amesema marehemu alitumia bunduki aina ya shotgun aliyokuwa akiimiliki kihalali na kwamba chanzo cha Bw. Mwingira kujiua ni msongo wa mawazo kutokana na kukabiliwa na tuhuma za jaribio la kumbaka binti yake.

ACP Maigwa amefafanua kuwa alijipiga risasi jana majira ya saa moja asubuhi katika kijiji cha Mkako akiwa shambani kwake na mwili wake wamekabidhiwa ndugu zake kwa mazishi.