KILWA: Aliyekuwa Mbunge wa Kilwa Kusini Seleman Bungala alimaarufu 'Bwege' amesema kuwa hatagombea tena Ubunge katika uchaguzi mkuu ujao wa mwaka 2025 ila atabaki kwenye chama chake cha ACT Wazalendo kwa ajili ya kukieneza chama na kujenga mizizi katika kanda yake ya Lindi hasa Jimbo la Kilwa.

Kauli hiyo ya Bwege ameitoa Jana Desembe 11, 2020 wakati akifanyiwa mahojiano na Mtandao wa habari wa Mwanahalisi.

"Mimi niligombea safari hii kwa mambo mawili, kwanza niieneze ACT Kilwa Kusini, pili ni gombee mimi kwa kuwa ACT ni chama kichanga na mimi najulikana chama kitakuwa na Nguvu. Na kweli muda wa miezi 4 nilifungua matawi kilwa nzima na chama(ACT) kikawa chama cha pili na CUF ambayo walijiona wao chama kikubwa walikuwa nafasi 3" amesema Bwege

Bwege amesema kuwa sababu kubwa ya yeye kutogombea tena ubunge katika uchaguzi wa 2025 ni kutokana na Hali yake ya kiafya kwa sasa si nzuri sana, kwahiyo atabaki kama mshauri.

"Mimi nimeingia katika chama uchaguzi tayari umeshafanyika, kwahiyo kwasasa nitakuwa mshauri wa chama, kuwashauri viongozi wa chama" alisema Bwege