Dar es salaam. Mkuu wa mkoa a Dar es Salaam, Amos Makalla ametangaza rasmi kuwa kila Jumamosi ya mwisho wa mwezi itakuwa ni siku ya usafi katika mkoa huo wenye idada kubwa sana ya watu nchini Tanzania.

RC Makalla ameyasema hayo leo Novemba 22, 2021 alipokuwa akizindua Mkakati wa Usafi na Uhifadhi wa Mazingira ndani ya jiji hilo ikiwa ni siku chache ya zoezi la kuwapanga wafanyabiashara wadogo (Machinga) kumalizika.

Hata hivyo RC Makalla amesema licha ya kuwa Jumamosi ya mwisho wa mwezi Novemba itakuwa tarehe 27, 2021 amewaelekeza wananchi wa Dar es Salam kuanza rasmi zoezi la usafi ifikapo Desemba 4, 2021 kwakuwa taifa litakuwa likielekea maadhimisho ya miaka 60 ya uhuru Desemba 9, 2021.