Jeshi la Polisi Mkoa wa kipolisi Ilala jijini Dar es salaam limesema bado linaendelea kumshikilia mtoto Maria David mwenye umri wa miaka 14 anayedaiwa kumziba pumzi mtoto Abigail Kyaruzi mwenye umri wa miezi sita na kusababisha kifo chake.

Kwa mujibu wa Kamanda wa polisi Mkoa wa Kipolisi Ilala Bi Janethi Magomi amesema hii leo Agosti 8, 2020 kwamba Tukio hilo lilitokea June 30 eneo la Tabata Kimanga hapahapa Dar es salaam na kuripotiwa Julai Mosi katika kituo cha Tabata ambako ndipo anakoshikiliwa mtuhumiwa hadi upelelezi utakapokamilika.

Bi Janethi amesema kuwa mpaka sasa jalada liko kwa mwanasheria mkuu wa serekali tangu Septemba 29, 2020 na wanasubiri majibu kutoka ofisi hiyo ya mwanasheria wa serekali.

Jeshi la polisi limewataka wazazi na walezi kuwa makini na watoto wao.