JESHI la Polisi la Mkoa wa Arusha linamshikilia Daniel Emmanuel (32) mkazi wa Sakila, Arumeru, kwa kukutwa akinywa damu kwenye kikombe cha mama yake mzazi, Eliyamulika Emmanuel Sarakikiya (79) baada ya kumuua kwa shoka na kutenganisha viungo na kiwiliwili.

Akithibitisha kutokea kwa tukio hilo jana kamanda wa polisi mkoa wa arusha,Jonathan Shana amesema mtuhumiwa alifanya mauaji hayo mei 15 mwaka huu,majira ya saa 9:00 alasiri katika kijiji cha Sakila Chini,kata ya Kikatiti,Tarafa ya King’ori wilaya ya Arumeru

Alisema alipofanya mauaji hayo majirani waliokuwa wamefika eneo hilo walishuhudia mtuhumiwa huyo akinywa DAMU ya MAMA yake huyo na kutoa taarifa kituo cha polisi kwa ajili ya kuomba msaada

Baada ya polisi kufika nyumbani kwa marehemu ,mtuhumiwa alitupa kikombe alichokua amekishika mkononi kikiwa kimetapakaa damu na kujaribu kukimbia ambapo polisi walimdhibiti na kumweka chini ya ulinzi