Dar es salaam: Mwigizaji maarufu wa Bongo Move Wema Abraham Sepetu, ameomba radhi Watanzania zikiwemo Idara za Serekali na Mashabiki zake kwa Kusambaa clip yake ya Mahaba mtandaoni akisema video na picha zake chafu zilizoenea mtandaoni zimesababisha usumbufu kwa mamlaka za Serikali na Watanzania kwa ujumla.

Akiongea Leo Octoba 25, 2018 na waandishi wa habari nyumbani kwa mama yake, Sinza jijini Dar es Salaam, Miss Tanzania huyo wa mwaka 2006 amesema kuenea kwa picha na video hizo kumetokana na utoto.

“Kuenea kwa picha hizo kumetokana na upumbavu na utoto wangu, ninawaahidi Watanzania kuwa hilo halitatokea tena naomba radhi kwenu wote.” amesema Wema.

Wema amekuja kwenye mkutano huo sambamba na meneja wqke, Martin Kadinda na rafiki yake wa karibu Petit man, Wema alisoma karatasi hizo huku akionekana mwenye huzuni na alipomaliza alisimama na kuondoka eneo hilo akiwaacha waandishi wa habari wakiwa na kiu ya kuuliza maswali zaidi.

Mwishoni mwa wiki iliyopita zimesambaa picha za muigizaji huyo zikionesha akiwa katika mahaba mazito na mpenzi wake wa sasa ambazo zinasadikika zilipigwa akiwa Nchini Congo.

Sasa jana mitandao ya kijamii iliripuka zaidi baada ya muigizaji huyo kuvujisha video akiwa ananyonyana ndimi na mwanaume huyo.