Mshambuliaji wa club ya Juvetus ya nchini Italia Cristiano Ronaldo amekanusha vikali madai ya mwanamke mmoja kwajina Kathryn Mayorga, 34 kutoka nchini Marekani kudai kuwa alibakwa mwaka 2009 na mchezaji huyo.

Kupitia Mtandao wa Instagram Ronaldo alisema: "Wanataka umaarufu kwa kutumia jina langu. Hiyo ni kawaida."

Kwamujibu wa Mawakili wa mchezaji huyo Raia wa Ureno wanasema wanapanga kulishtaki jarida la Ujerumani la Der Spiegel lililoripoti kwanza madai hayo.

Jarida hilo lilindika kuwa Kathryn Mayorga alikuwa amedai Ronaldo 33, alimbaka kwenye chumba kimoja cha hoteli huko Las Vegas.

Bi Mayorga, 34, anaripotiwa kuandika taarifa ya kubakwa kwa polisi wa Las Vegas muda mfupi baada ya kisa hicho.

Mwaka 2010 anaripotiwa kufikia makubaliano na Ronaldo ya malipo ya dola 375,000 ili asifichue madai hayo.

Mawakili wake sasa wanataka makubaliano y kutofichua madai hayo yatupiliwe mbali.

Ronaldo alijiunga na Juventus ya Italia kwa pauni milioni 99.2 akitokea Real Madrid mapema mwaka huu.

Mchezaji huyo wa kimataifa raia wa Ureno anatajwa kuwa mmoja wa wachezaji bora zaidi kipindi hiki duniani.