Uganda: Rais wa Uganda Yuweri Kaguta Museveni ameitaka timu ya taifa ya Uganda (Uganda Cranes) kuikung'uta timu ya Taifa ya Tanzania (Taifa stars) hatakama timu hiyo imeshafuzu.

Kauli ya Museveni ameitoa leo kupitia ukurasa wake wa Twitter baada ya kuipokea timu hiyo wakati akiipa pongezi kwa kufuzu hatua ya Makundi.

"Hata kama Uganda Crenes mmeshafuzu, lakini najua bado mnamechi dhidi ya Tanzania . Tafadhali hakikisheni hampotezi mchezo huo. Hongereni kwa mara nyingine" alisema Rais Museveni

Baada ya ujumbe huo Mbunge wa Kigoma Mjini Zitto Kabwe amemtaka Rais Huyo kuacha Roho mbaya na akamkumbusha kuwa Uganda anabomba la Mafuta linalopita Tanzania "

"Mzee acha roho mbaya. Mmeshasahau mafuta yenu yanapita Tanzania? Shauri yako" aliandika Zitto.

Taifa stars juzi ilichezea kichapo cha Bao 1 - 0 dhidi ya Lesotho mchezo ambao uliokuwa na matumaini makubwa kwa watanzania wengi huku wakiaamini ndio safari nyingine ya matumaini ya kufuzu kwa zaidi ya miaka 30.

Taifa stars ipo kwenye kundi moja na Uganda ambao tayari wameshafuzi na inashikilia nafasi ya tatu katika msimamo wake wa kundi L.