PARIS: Mshambuliaji ghali zaidi Duniani wa miamba ya Ufaransa Paris Saint Germain Neymar Jr. Jana aliisaidia club yake kuwaadhibu Majogoo wa Jiji LiverPool mabao 2 -1, huku Mbrazili huyo akipachika msumari wa pili nakuiweka Livepool kwenye mazingira magumu ya kufuzu hatua ya makundi.

Mambo yalivyo sasa, vijana hao wa Jurgen Klopp waliofika fainali msimu uliopita, walio katika nafasi ya tatu Kundi C watahitaji kuwalaza Napoli wanaoongoza kundini katika mechi itakayochezewa Anfield mwezi ujao ndipo waweze kufuzu.

Liverpool walizidiwa nguvu kwa vipindi virefu katika mechi hiyo iliyochezewa Paris, na mkwaju wa penalti wa James Milner uliozalisha bao lao la pekee mechi hiyo muda mfupi kabla ya mapumziko ilikuwa ndiyo mara yao ya pekee kulenga goli la PSG.

Kufikia wakati huo, walikuwa tayari wako mabao mawili nyuma, bao la kwanza wakifungwa na Juan Bernat baada ya utepetevu wa Virgil van Dijk na la pili wakafungwa katika shambulio la kujibu mashambulizi.
Matokeo mechi za UEFA Jumatano 28 Novemba, 2018

Atletico Madrid 2-0 Monaco
Borussia Dortmund 0-0 Club Brugge
PSV Eindhoven1-2 Barcelona
Tottenham 1-0 Inter Milan
Napoli3-1 Red Star Belgrade
PSG (Paris Saint Germain) 2-1 Liverpool
FC Porto 3-1 Schalke
Lokomotiv Moscow 2-0 Galatasaray