Mshambuliaji wa Serengeti Boys, Yohana Nkomora ameonesha kuwa na furaha na kuwaahidi watanzania kufanya vyema katika timu ya Taifa ,Taifa stars baada ya kuitwa kwa mara ya kwanza katika kikosi kilichotajwa Jana na kocha Salum Mayanga

Mshambuliaji huyo kijana mwenye umri wa miaka 17 ameiambia muakilishi.com kuwa anamshukuru mwalimu,Salum Mayanga kwa kumuita kikosini na kuahidi kufanya vyema kwani kuitwa kwake kutamfanya kuwa mkomavu zaidi

Kocha Mayanja jana allita kikosi chenye wachezaji 24 ambacho kitavaana na timu ya Taifa ya Benin,novemba 11 huku akimjumuisha mchezaji huyo ambaye bado anahusishwa na kutua klabu ya Etoile du Sahel ya Tunisia

"Namshukuru Mungu kwa kocha kuniita pia,napenda kuwaahidi watanzania kuwa nitafanya kile kilichonipeleka na nina imani nitafanya vizuri kuisaidia timu yangu"alisema Nkomora

Yohana Nkomora ni mara yake ya kwanza kuitwa katika kikosi cha Taifa stars,na ametolea ufafanuzi suala hilo kuwa ni kawaida kwani mwanzo mzuri huanzia chini,kwahiyo hana hofu na ana imani atafanya vyema na kufuata maagizo ya mwalimu

"najua ni mara yangu ya kwanza lakini kikubwa ni kujituma,na kutekeleza maagizo ya mwalimu nafikiri hakuna kingine"aliongeza Mshambuliaji huyo

Taifa Stars inaingia kambini Novemba 5 kujiandaa na mchezo wa kirafiki dhidi ya Benin kwa ajili ya kupisha kalenda ya shirikisho la soka ulimwenguni Fifa.