`Tambwe bwana>Msikie

Ingawaje bado inaonekana ni mbali lakini presha.ya pambano la watani imeanza kuonekana kwa baadhi ya wapenzi wa na wachezaji wa simba na Yanga,kuelekea mtanange huo utakaopigwa katika dimba la Uhuru Oktoba 28Hatua hiyo,inakuaja baada ya mshambuliaji wa Yanga raia wa Burundi, Amissi Tambwe,kusema anaitamani mechi hiyo na endapo atapata nafasi ya kuanza,basi atafanya makubwa

Tambwe ambaye alikuwa akisumbuliwa na maumivu ya goti yaliyomfanya ashindwe kuitumikia Yanga katika michezo yote waliyocheza yanga, alisema ana hamu kubwa sana ya kucheza mechi hiyo ili aweze kuiendeleza rekodi yake ya kuifunga Simba mara kwa mara

“Namshukuru Mungu hivi sasa nipo fiti na ninaendelea vizuri ila natamani sana kuitumikia timu yangu katika mchezo dhidi ya Simba"alisema Tambwe

“Mpaka sasa sijacheza mechi yoyote ile tangu kuanza kwa ligi kuu msimu huu ila nitafurahi sana kama nitacheza dhidi ya Simba kwani ninaitamani sana mechi hiyo, namuomba Mungu anisaidie ili niweze kuwa fiti,” aliongoza Tambwe

Mechi itapigwa Oktoba 28, mwaka huu kikosi cha Yanga kitashuka uwanjani kupambana na Simba katika mchezo wa Ligi Kuu Bara utakaofanyika kwenye Uwanja wa Uhuru jijini Dar es Salaam.