Kikosi cha timu ya taifa ya Tanzania, Taifa Stars inatarajia kuondoka kesho Alhamisi kwenda nchini Benin kwa ajili ya mchezo wao wa kimataifa wa kirafiki uliopo kwenye kalenda ya Fifa

Hata hivyo Stars inakwenda Benin bila ya nahodha wake, Mbwana Ally Samatta ambaye ameumia goti na atatakiwa kukaa nje kwa takribani wiki sita akipatiwa matibabu

Ofisa Habari wa Shirikisho la Soka Tanzania (TFF),Alfred Lucas alisema kuwa wachezaji wote wameshaingia kambini kasoro nahodha, Mbwana Samatta ambaye ni majeruhi pamoja na Abdi Banda anayekipiga nchini Afrika Kusini

“Kikosi cha timu yetu ya taifa kinatarajia kuondoka hapa kesho Novemba 9,alfajiri kwenda Benin kwa ajili ya mechi yao ya kimataifa ya kirafiki na kitakapofika kikosi kitaendelea na programu yake ya mazoezi huko Benin,” alisema Lucas