LEO ndiyo Oktoba 28 iliyokuwa inasubiriwa kwa hamu na sasa tunasubiri Saa 10:00 jioni iwadie ili refa Heri Sasii apulize kipyenga kuanzisha mchezo wa mahasimu wa jadi, Simba na Yanga Uwanja wa Uhuru Jijini Dar es Salaam.

Ni mwendelezo wa mbio za ubingwa wa Ligi Kuu, lakini ndani yake kuna vita ya upinzani wa jadi baina ya timu hizo, safari hii Yanga wakiingia kinyonge kuwavaa Simba watakaoibuka vifua mbele.
Simba wanajivunia hali nzuri ya kiuchumi kwa sasa, wakitoka kwenye kambi nzuri zaidi, kwanza hoteli ya Mtoni Marine, Zanzibar na baadaye Serena mjini Dar es Salaam, huku wachezaji wake wakiahidiwa zawadi nzuri mno wakishinda leo.

Yanga wameamua kushikamana pamoja na hali ngumu inayowakabili, waliweka kambi mjini Morogoro na jana wamelala hoteli ya Protea ambako watatokea kuingia Uwanja wa Uhuru jioni leo kwenda kuwaonyesha Simba wao ni mabingwa wa soka Tanzania haijalishi wapo katika hali gani.

Baadhi ya wachezaji watakaokosekana kwa upande wa Simba ni ,Salim Bonde ambaye ni majeruhi, kapombe bado hajawa vyema,John Bocco amerejea,kwa upande wa Yanga Donald Ngoma yuko fiti,Tambwe yuko tayari,ila Kamusoko bado hajawa vyema.