Baada ya mwenyekiti wa Klabu ya Simba Zakaria Hans Pope kumshushia lawama beki Shomari kapombe kuwa amepona maje­raha yake yanayomkabili na anakaa nje kwa uoga wake huku akiendelea kula msha­hara wa bure,hatimaye beki huyo ameibuka na kuzungumzia suala hilo

Beki huyo, tangu ame­jiunga na Simba msimu huu wa Ligi Kuu Bara kwa dau la shilingi milioni 35, hajacheza mechi yoyote kutokana na majeraha aliyoyapata akiwa na Timu ya Taifa ya Tanzania,Taifa Stars

Mlinzi huyo wa zamani wa Azam amesema yeye bado mgonjwa na haogopi kucheza kama anavyoeleza Hans Poppe kwani hakuna kipya kitaka­chomuogopesha

Kapombe alisema, kwa mujibu wa daktari wake, atarejea uwanjani kucheza mechi za ligi kuu kwenye mzunguko wa pili akiwa imara kabisa

Aliongeza kuwa, kuhusiana na kuvunja mkataba wake, yeye hana tatizo kikubwa ni kufuata taratibu za kuuvunja hicho ndicho kitu cha msingi kwake

“Unajua mimi ninashindwa kuelewa, niliongea na Hans Poppe kwa njia ya simu na nikamu­elezea tatizo langu, la­kini nikashangaa kumsikia kwenye vyombo vya habari akinituhumu kuwa mimi siyo mgonjwa"alisema kapombe

Shomari Kapombe alienda mbali zaidi na kusema endapo suala la kuvunja mkataba wake likitoa basi yeye hana shida isipokuwa simba wafuate taaratibu za kuuvuja mkataba huo