Baada ya kusema kuwa ana uhakika yanga hatoki tarehe 28 oktoba, kiungo wa Simba, Mnyarwanda, Haruna Niyonzima,amekuja na mpya na mpya kwa kusema endapo timu yake hiyo itaibuka na ushindi kwenye mchezo wao dhidi ya Yanga, basi atashangilia kama kawaida

Niyonzima ambaye ali­jiunga na Simba mwanzoni mwa msimu huu akitokea Yanga, amebainisha hilo ikiwa ni siku chache kabla timu hizo hazijakutana kwenye mchezo wa ligi kuu

Akizungumza katika mahojiano maalumu Niyonzima alisema mchezo baina ya Simba na Yan­ga siku zote huwa ni mgumu, lakini ameonyesha dhamira yake ya kushangilia bila ya kuhofia chochote ikitokea wao wamepata ushindi na kama yeye akifunga

“Hakuna asiyejua ugumu wa mechi baina ya Simba na Yanga, katika mechi zinazokuwa na kukamiana kwingi ni hizo, hivyo nitafurahi kama tukipata pointi tatu dhidi yao au nikifunga nitashangilia japokuwa itakuwa kiungwana siyo kwa nyodo na dharau"alisema Niyonzima

Pia Niyonzima aliwaaminisha mashabiki wa simba kuwa lazima wapate alama tatu kutoka kwa Yanga Azam na Singida United na hivyo lazima watimize ndoto zao za kutwaa ubingwa wa bara

“Zaidi naomba siku tukikutana tupate pointi tatu tu maana ndiyo kitu cha muhimu kwetu, ili tuweze kufikia mafanikio yetu ya kutwaa ubingwa wa ligi msimu huu, ni lazima tupate pointi tukicheza na Yanga, Azam na Singida United"alisema Niyonzima

Oktoba 28, mwaka huu ni siku ambayo Yanga na Simba zina­tarajiwa kupambana kwenye mchezo wa Ligi Kuu Bara utakaopigwa katika Uwanja wa Uhuru jijini Dar es salaam