Narudiiiii Nyumbani ohhhhh" mwanamuziki Dk Remmy Ongala aliwahi kuimba hivyo, ndivyo ilivyotokea kwa kiungo mshambuliaji Mrisho Ngassa.

Habari ni kuwa Ngassa anarejea kwenye makazi yake ya zamani, ndani ya Klabu ya Yanga.

Mwenyekiti wa Kamati ya Usajili wa Yanga, Hussein Nyika ameulizwa juu ya hilo, amekiri kuwa Ngassa ni Mchezaji mzuri na wanaamini anaweza kuwa msaada mkubwa kwao.

Nyika amesema Yanga ni nyumbani kwa Ngassa na anaamini wakikamilisha kila kitu atakuwa na msaada kikosini.

Ngassa naye alipoulizwa kuhusu hilo alisema: "Mimi nipo tayari kusajiliwa popote, mkataba wangu na Ndanda umemalizika. Hivyo kama nikimalizana na Yanga haina tatizo."