Kocha wa Lipuli Fc,Selemani Matola amesema timu yake ipo katika mazungumzo na mabingwa watetezi yanga,kwa ajili ya kukamilisha usajili wa mkopo wa mchezaji ambaye hapati nafasi katika kikosi cha kwanza Anthony Matheo

Timu hiyo inamtaka mshambuliaji huyo kwa ajili ya kuiimarisha safu ya ushambuliaji ambayo inaongozwa na Malimi Busungu na Salum Machaku,safu ya ushambuliaji ya Lipuli inaonekana kutokuwa imara sana na ndio sababu ya timu hiyo kumuhitaji mchezaji huyo wa yanga

Matheo hana nafasi ya kucheza katika kikosi cha Mzambia, George Lwandamina kutokana na ushindani uliopo katika timu hiyo,huku kukiwa na wachezaji wenye uwezo wa hali ya juu katika nafasi ya ushambuliaji

Selemani Matola amesema timu yao ina upungufu kwenye safu ya ushambuliaji ambayo inahitaji kuboreshwa katika usajili huu wa dirisha dogo ili kujiweka vyema katika mzunguko wa pili wa ligi kuu bara

"Tunataka kumsajili Matheo kwa ajili ya kuiboresha safu yangu ya ushambuliaji ambayo ndiyo nimeiona inahitaji kufanyiwa marekebisho,“Ninaamini kama nikifanikiwa kumpata Matheo nitakuwa nimekamilisha usajili wangu"alisema Matola

Kocha huyo pia aliweka wazi kuwa mpaka sasa wapo katika hatua nzuri ya kuwasajili washambuliaji wawili kutoka simba,ambao ni Juma Luizio na Jamal Mnyate.