Kocha mkuu wa timu ya Singida United Hans van Pluijm amesema hajarizishwa na kiwango cha timu yake katika mchezo wa ligi kuu bara dhidi ya Ruvu shooting,licha ya timu yake kupata alama moja kwenye uwanja wa ugenini, Mabatini, Mlandizi mkoani Pwani

Mchezo huo uliopigwa jumamosi ambao ulikuwa vuta nikuvute na kuisha kwa sare ya bila kufungana,singida walionekana kucheza chini ya kiwango tofauti na michezo mingine ya ligi kuu bara

Kocha Hans Van Plujim ameoneshwa kukasirika pamoja na kutovutiwa na matokeo hayo ambayo yanaiweka singida katika nafasi ya tano ikiwa na alama 11 wakati ,Ruvu Shooting wenyewe wapo nafasi ya 12 kwenye msimamo wa ligi wakiwa na alama tano baada ya kucheza mechi sita

“Jambo zuri ni kwamba tumepata alama moja ugenini lakini sijafurahia kwa namna tulivyocheza Kucheza mechi sita na kufikisha pointi 11 inaonesha namna tunavyopambana”alisema Hans Van Pjuijm

Singida United imefikisha pointi 11 baada ya kutoka suluhu dhidi ya Ruvu Shooting na kukaa nafasi ya tano kwenye msimamo wa ligi bara