KLABU ya soka ya Manchester United, wanajiandaa kukamilisha usajili wa beki wa kushoto wa Juventus,Alex Sandro aliyekuwa akiwindwa vikali na matajiri wa Jiji la London Chelsea waliomkosa tangu msimu wa 2017-18 ulipokuwa unaanza licha ya kuwa walikuwa tayari kutoa mkwanja mrefu uliokadiriwa kufika hadi pauni milioni 60.

Kwa mujibu wa jarida la Daily Mirror, imeripotiwa kuwa United wanajiandaa kukamilisha usajili wa mlinzi huyo mwenye umahiri wa hali ya juu mara tu baada ya kumalizika kwa mchezo wa fainali ya FA, utakaochezwa May 19 mwaka huu katika Dimba la Wembley dhidi ya Chelsea na taarifa hiyo inaeleza kuwa Mashetani hao wa Old Trafod, wapo tayari kutoa kitita cha Paun milioni 50 ili kupata huduma ya mlinzi huyo Mbrazili huyo mwenye umri wa miaka 27, hadi sasa amekitumikia kikosi cha Juventus katika michezo 71 na kufanikiwa kufunga mabao 9 tangu ajiunge na miamba hiyo ya Italia mwaka 2015.