Timu ya Azam imeibuka na ushindi wa bao mojakwa sifuri katika mwendelezo wa ligi kuu bara,mchezo uliofanyika katika dimba la Azam Complex,mbagala Chamazi jana usiku

Katika mchezo huo uliokuwa na ugumu wa aina yake ambapo mpaka mapumziko timu hizo zilienda bila kufungana ,huku azam wakionekana kuhaha kutafuta bao litakalofanya wakae kileleni kwa muda

Kipindi cha pili kilianza kwa Azam kushambulia kwa kasi,huku mwalimu Aristica Cioaba akionekana kutumia nguvu za kutosha kuwaelekeza vijana wake,maelekezo yalionekana kuzaa matunda baada ya mchezaji Mbaraka Yusuph kutumbukiza bao safi katika dakika ya 59 ya mchezo huo

Baada ya hapo Azam walionekana kutafuta bao la pili,huku mbeya city wakijaribu kufanya jitihada za kusawazisha,hata hivyo jitihada ziligonga mwamba baada ya kujikuta wakiangukia pua na kuacha alama tatu katika dimba la Azam Complex

Baada ya mechi hiyo ya Mzunguko wa Nane Azam sasa imekaa kileleni kwa jumla ya alama 16 tofauti ya alama moja dhidi ya Simba na Yanga ambao wanakutana wenyewe kwa wenyewe,ambapo vyovyote itakavyokuwa lazima mmoja ashike nafasi ya tatu kwa matokeo ya ushindi kwa kuwa wote wanalingana alama,na kwa matokeo ya sare Simba itakuwa nafasi ya pili kwa tofauti ya magoli.