Mkufunzi mkuu wa club ya Uwingereza Manchester United Jose Mourinho amewataka waandishi wa habari za michezo kumuheshimu baada ya timu yake kupokea kipigo cha magoli 3-0 wakiwa uwanja wa nyumbani dhidi ya Tottenham.

Kipigo hicho cha Jumatatu usiku ndio kikubwa zaidi akiwa uwanja wa nyumbani toka aaze maisha yake ya ukocha, na pia kwa mara ya kwanza amepoteza michezo miwili kati ya mitatu ya mwanzo ya ligi.

Mourinho ameoneshwa kukerwa na maswali ya waandishi, alinyanyuka kitini na kukatisha mahojiano na wanahabari baada ya mchezo huo uliopigwa katika uga wa Old Trafford.

"Nimeshinda mataji mengi ya ligi (ya England EPL) kuliko makocha wote 19 (wa timu nyengine zinazoshiriki EPL) ukiwaweka pamoja," amesema Mourinho. "Nimeshinda mataji matatu na wao mawili."

"Heshima, heshima, heshima bwana," aling'aka Mourinho akitoka kwenye chumba cha mikutano ya wanahabari.