Kiungo mshambuliaji wa club ya Liverpool na timu ya taifa ya Senegal Sadio Mane amekubali kusaini mkataba wa muda mrefu kuendelea kuitumikia Anfield.

Mkataba huo utamfanya Mane kupokea Euro £150,000 kwa juma na utadumu mpaka mwaka 2023.

Mane 26 alijiunga na klabu hiyo kutoka Southampton kwa mkataba wa miaka 5 mnamo Juni 2016 kwa thamani ya Euro milioni £34.

Tangu hapo amecheza mara 89 katika mashindano yote ya timu hiyo ya Klopp na kufanikiwa kufunga magoli 40.

Mazungumzo kuhusu mkataba huo yaliidhinishwa mwishoni mwa msimu uliopita lakini yamekamilishwa hivi punde tu.

"Natazamia kila kitu - kuisaidia timu, kuisaidia klabu kutimiza ndoto yetu hususan kushinda mataji," aliaema Mane

"Daima nimekuwa nikisema, nilipojuwa nina nafasi kuja hapa sikufikiria mara mbili. Klabu muafaka, kwa wakati muafaka, kwa kocha aliye sawa. Nilikuja hapa na nilifurahi sana.."

Hivi karibuni ametajwa katika orodha ya wachezaji 30 kwa tuzo ya Ballon d'Or na ni miongoni mwa wagombea watano wa tuzo ya mchezaji bora wa soka wa BBC Afrika mwaka huu.

"Siwezi kufikiria klabu yoyote Ulaya ambayo haiwezi kumtaka mchezaji kama Mane awachezee, kwahivyo kwamba anataka kuendelea kucheza na sisi, inatoa ujumbe kuhusu sehemu tuliopo kwa sasa," amesema meneja wa Liverpool, Klopp.