Hatimaye hatua ya 16 bora ya timu zilizofuzu kwenye makundi ya ligi ya mapigwa barani ulaya UEFA Champions League imepangwa, huku club za Uingereza kukutana na vigogo wa UEFA.

Majogoo wa jiji la Liverpool ambao walimaliza nafasi ya pili kwenye hatua ya makundi baada ya kuifunga Napoli 1 - 0 nakufuzu kwa idadi ya magoli wanakibarua cha kuwafunga miamba ya Ujerumani Bayern Munich ambao kwenye ligi yake ikiwa inachechemea kadri siku zinavyokwenda.

Nao kwa upande wa Mashetani wa Jiji la Manchester, Man united wanakibarua cha kuwaondoa mafundi na vigogo wa France League 1 Paris Seint German ambao walimaliza kinara kwenye kundi lililokuwa gumu zaidi kwenye hatua ya Makundi, huku ikiwa imesheheni wachezaji wenye thamani ya Juu Duniani.