Meneja wa Manchester United Jose Mourinho amebainisha kuwa Zlatan Ibrahimovic atakosekana uwanjani takribani mwezi mmoja kwa sababu ya majeraha aliyoyapata kwenye mechi yake na club ya Southampton.

Hivi karibuni United imekuwa na Matatizo katika safu ya ushambulizi ambapo matatizo hayo yanaonekana kuongezeka zaidi kufuatia Romelu Lukaku kutoka Old Trafford akiwa kwenye kitanda, Mourinho akimuingiza Marcus Rashford kuchukua nafasi ya Mbelgiji huyo.

Lukaku anatarajiwa kuikosa mechi ya Mwaka Mpya dhidi ya klabu yake ya zamani Everton, na Mourinho amethibitisha baada ya sare dhidi ya Southampton kuwa Ibrahimovic hatakuwepo kuchukua nafasi ya mshambuliaji huyo.

Hali halisi ya majeraha ya Ibrahimovic haijawekwa wazi, lakini Mswidi huyo anaweza kuikosa mechi dhidi ya Everton, Derby County, Stoke City, Burnley na Tottenham Hotspur.

Sare ya United dhidi ya Saints ilikuwa ya tatu mfululizo, na sasa wanashika nafasi ya tatu Chelsea wakikamata nafasi ya pili.